Historia

Verkstadforeininga i Ulstein-regionen

Maritim foreining for søre Sunnmøre (MAFOSS) vart etablert i 1969 som «Verkstadforeininga i Ulstein-regionen». Frå stiftingsdokumenta les vi: «Foreininga har til oppgåve å fremje skipsbyggingsindustrien sine interesser i regionen og å finne fram til samarbeidsformer som kan tene til å styrke medlemsverksemdene sine konkurranseevner.»

Klyngeetablering og tydeleg posisjonering på 60-talet, der altså.

For medlemene var det særs viktig å sikre godt samarbeid mellom bedriftene og minst like viktig å sikre utdanningstilbod for fagfolk slik at ein kunne levere stadig meir komplekse skip.
Dette var starten på mellom anna arbeidet med å få etablere ei praktisk skipsbyggarlinje på det som i dag er Herøy Vidaregåande skule.