mafoss_logo_high_res.png
Menu
mafoss_logo.png

rikke17.jpg

TAF-linja truga

I behandlinga av budsjett for Møre og Romsdal Fylkeskommune er TAF-linja på søre luten trua med nedlegging. MAFOSS og Maritimt Forum Nordvest reagerer med felles front mot dette. Les meir i saka under og sjå link frå NRK nyhende her.

taf_trua_av_nedlegging.pdf
mms_20150604_142536.jpg

TAF 2 / 2015 med film

Sidan det er få reklamefilmar for TAF-ordninga laga TAF 2/ 2015 like godt sin eigen film.
Når vi er på skulebesøk for å presentere ordninga nyttar vi no denne filmen for å vise meir frå TAFarane sin kvardag.

Som takk for fin film spanderte Mafoss kake på klassen.

Takk til klassen som let oss nytte filmen! 

Sjå filmen her.

 

 

 

Tekniske og allmenne fag (TAF)

Utdanninga er 4-årig, med ein kombinasjon av yrkesfag og fag frå allmennfagleg studieretning. Opplæringa har ein praktisk og ein teoretisk del, der praksis blir gitt i verksemder og teoriunder-visninga på skulen.

Etter endt 4-årig vidaregåande opplæring får elevane både yrkeskompetanse (fagbrev) og spesiell studiekompetanse, retta mot t.d. ingeniør-utdanning på teknisk høgskule

Mål
Dei generelle måla for denne utdanninga er bl.a. å

  • Styrke rekrutteringa av ingeniørstudentar med yrkesfagleg kompetanse og praksis som grunnlag 
  • Heve statusen for mekaniske fag. 
  • Opprette tidleg kontakt mellom verksemdene og ressurssterke elevar frå nærmiljøet. 
  • Synleggjere moderne teknologifag og industri- arbeidsplassar for delar av ungdomskulla.

Dei konkrete måla er å gi elevane

  • Yrkeskompetanse (fagbrev) 
  • Spesiell studiekompetanse (t.d. opptak til NTNU i Trondheim) 
  • Utdanninga imøtekjem ønsket om eit breiast mogleg grunnlag for vidare val av arbeid eller utdanning. Næringslivet har og stort behov for å rekruttere ingeniørar med høg kompetanse; med både praktisk og teoretisk bakgrunn 

Betaling til elevane/lærlingane:
I dei 3 første skuleåra er elevane 3 dagar pr. veke på skulen og utplasserte i verksemder 2 dagar pr. veke. Fjerde og siste år er det 2 dagar pr. veke på skulen og 3 dagar pr. veke i verksemder. 

Ved utplassering dei 2 første åra, blir elevane følgde opp av lærarar frå skulen.

Elevane må og arbeide som lærlingar i 4 veker ved praksisverksemdene i sommarferien, slik at dei opp-fyller kravet om praksistid, og dermed får gå opp til fagbrev etter 4. året.

Opptakskrav:
Det blir kravd gode karakterar frå grunnkurs allmennfag.

Søknadsskjema:
Søkjarar skal bruke søknadsskjema for fellesinntaket(sendast inntakskontoret) og eit eige skjema som skal sendast skulen. Karakterane frå 1. termin ( til jul) skal påførast skjemaet som skal sendast skulen. Rådgjevar ved skulen stadfestar rett karakteravskrift.

Opptaksprosedyre:
På grunnlag av søknadene gjer skulen innstilling til opptak i første halvdel av mai.
Verksemdene vurderer skulen si innstilling og avgjer kven dei vil ha som elev/lærling i siste halvdel av mai
Inntakskontoret får namna frå skule/verksemd på dei som får tilbodet i første halvdel av juni.
Inntakskontoret sender ut melding til elevane om inntak - første halvdel av juli
Verksemdene skriv bindingsavtale med eleven ved skulestart, der eleven forpliktar seg til å gjere ein ekstra innsats for å kunne fylle krava til både fagbrev og studiekompetanse.
Verksemdene forpliktar seg til å teikne lærekontrakt med elevane etter VK I (2. året).

Under opplæringa får elevane/lærlingane betaling som for lærlingar. Dei 2 første åra kan dei få lærlinglønn for 2 dagar pr. veke. Dette er det verksemdene som avgjer. Dei 2 siste åra blir det gitt full lærlinglønn for 5 dagar pr. veke. Betalinga for dei 2 siste åra er bygd opp slik:

Første halvår: 30 % av fagarbeidarlønn
Andre halvår: 40 % av fagarbeidarlønn
Tredje halvår: 50 % av fagarbeidarlønn
Fjerde halvår: 80 % av fagarbeidarlønn

Elevar kan tene inntil kr 3 260 pr. mnd før det får innverknad på lån/stipend frå Statens Lånekasse. Inntekt i sommarferien blir ikkje irekna dette beløpet

Organisering av opplæringa:

Siste nytt
Samling om samferdsel
Samling om samferdsel
Mandag 20. januar samla MAFOSS dei større aktørane og kommunene på søre luten til møte med leiar for Transport - og kommunikasjonskomiteen på Stortinget; Helge Orten. Med på møtet var også leiar i Samferdsleutvalet i Møre og Romsdal; Kristin Sørheim.  MAFOSS meiner møtet var avklarande og tydeleg, og vi fyl spent med på korleis signala frå bransjane som var representerte blir tatt vidare politisk.  Les meir om samlinga her, her og her. Utgangspunktet for møtet var kronikk frå MAFOSS som var i media forrige veke. Den kan du lese her eller her. 
21.01.20 10:42
Terje takkar for seg
Terje takkar for seg
Etter snart 12 år i MAFOSS blir Terje Høybakk pensjonist 1 mars. Med litt ferie til gode vart det kake, takk og helsingar frå dei andre på kontoret. Styret og styreleiar Oddvar saunes takka Terje for innsatsen og ønska han lukke til som pensjonist. Terje kjenner nettverka i bransjen godt, og vil vere tilgjengeleg for enkeltprosjekt framover ved behov og ledig kapasitet.  Takk for innsatsen, og lukke til, Terje! 
17.01.20 16:28
MAFOSS meiner
MAFOSS meiner
Takstnivået på fergene er all time high. Når smell det? Sjå kronikk frå MAFOSS i vedlegget.
17.01.20 10:44
Er du trygg på nett?
Er du trygg på nett?
Tussa IKT arrangerer frukostkurs i sikkerheit 29. januar 2020.
Sjekk detaljane i linken under og meld deg på.
Er du sikker på at du har alt på stell?
Meld deg på likevel, og fortel andre om dine erfaringar! Påmelding her.
15.01.20 09:31
Kurs i prosjektleiing
Kurs i prosjektleiing
I samband med NTNU i Ålesund vert det sett opp kurs i prosjektleiing i vinter. Det er lagt opp til to samlingar for dette basiskurset: Første samling:
11.-12. februar
Andre Samling:
3. - 5. mars Sjå vedlegg for informasjon, og meld deg på kurset ved å sende mail til maritime@ocean-training.no  (Merk at linken med e-postadresse i brosjyra er feil.)
06.01.20 08:34
Busstilbod på søre luten
Busstilbod på søre luten
MAFOSS-medlem West Auto AS har lang fartstid for verksemdene på søre luten. Dei tilbyr no gunstige bussleigeavtalar for våre medlemmer frå mindre til store grupper på til dømes transport til og frå flyplassane.  
Ta direkte kontakt med WestAuto/ WestCoat for meir informasjon og pristilbod.
03.01.20 11:37
Flybuss VIGRA frå 2020
Flybuss VIGRA frå 2020
Ny aktør med MAFOSS-prisar! Nytt flybusstilbod med spesialpris mellom Vigra – Valderøy hurtigbåtkai. Med oppstart 01.01.20 vert det slutt på gjennomgåande billettering til/frå Hareid til Vigra med båt og flybuss. Dette er bestemt av samferdsleavdelinga i Møre og Romsdal fylkeskommune, noko MAFOSS stiller seg undrande til. Ein må frå nyttår difor kjøpe billett på båt mellom Hareid og Valderøy og ny billett med buss til og frå Ålesund lufthavn.
Ny og spanande aktør
Ein ny aktør på busstransporten blir Ålesund Turvogn Service AS, som har rutenummer FB61 i begge retningar. Ruteprogrammet er i oppstarten om lag tilsvarande gjeldande rutetilbod frå Fram.

Spesialpris
MAFOSS har gjennom avtale med operatør fått avtale om oppstartpris på bussbillett på 60,- for vaksne, og 30,- for barn/honnør. NB! Dette er ein introduksjonspris, og for å behalde prisen er ein  avhengig av at flest mogleg nytter tilbodet. Billettkjøp før reisa
Billett kan du kjøpe før du reiser - med VIPPS.
Søk opp kode «FB1», og kjøp så mange billettar du har behov for på den strekninga du skal reise.
Alternativ er VIPPS-nummer 587714. NB! Dette gjer du same dag som du skal reise. Forsinka siste fly til Vigra – ekstra busstilbod
Når fly som er oppsett til å lande før klokka 23.00 er forsinka vil det bli satt opp buss til fergekaia på Sulesund. Pris per voksen er då 160,- og 80,- for barn/ honnør. MAFOSS og Ålesund Turvogn Service AS vil også sjå på om det kan vere behov for buss laurdag og søndag morgon frå Sulesund til dei tidlege flyavgangane. Dette kjem MAFOSS tilbake til med spørjeundersøking til sine medlemmer.

Oversikt over oppdaterte ruter finn du på www.entur.no og www.turvogna.no. Vi ønsker god jul! For kontakt og spørsmål: Arild Røder, Ålesund Turvogn Service AS, tel 92 22 42 92 Jan Thormodsæter, MAFOSS, 924 67 700
23.12.19 13:45
MAFOSS meiner
MAFOSS meiner
TAF-linja ved Ulstein vgs er vedtatt nedlagt -kva blir konsekvensane? 
AutoPassFerje er vedtatt innført - noko som fordyrer alt i vår region.  I dag er vi skuffa over vedtaka som er gjort på fylkestinget i Møre og Romsdal.

Vi hadde i det lengste trudd at ein både ville samlast om å bevare det ein har av utdanningstilbod som den verdiskapande industrien verkeleg treng, og at ein ikkje ville gjere konkurransesituasjonen enno verre ved å fordyre reise -og transportutgiftene vi har. Vedtaket er skuffande av mange grunnar, og vi er svært spente på kva konsekvensar dette får på lang sikt. Tilgangen på kompetente medarbeidarar i alle ledd er stadig utfordra, og våre politikarar gjer det ikkje lett ved å gjere slike vedtak. Vi stiller spørsmål med om grunnlaga for desse vurderingane er kvalitetssikra godt nok, og vi lurer på kva logikken bak enkelte vedtak, til dømes TAF-avviklinga på søre, er basert på. I dag er vi skuffa, men vi har alt bretta opp ermane for omkamp. Ikkje ring oss, vi ringer deg... MAFOSS, JT, 10. des 2019
10.12.19 16:18
TAF-linja truga
TAF-linja truga
I behandlinga av budsjett for Møre og Romsdal Fylkeskommune er TAF-linja på søre luten trua med nedlegging. MAFOSS og Maritimt Forum Nordvest reagerer med felles front mot dette. Les meir i saka under og sjå link frå NRK nyhende her.
06.12.19 10:20
I dag er MAFOSS 50 år.
I dag er MAFOSS 50 år.
Den 21. november 1069 var første samling for det som då vart "Verkstedforeininga i Ulstein distrikt". 50 år seinare viser historia at det som vart omdøypt til Maritim Foreining for Søre Sunnmøre" på 80-.talet framleis er liv laga. 
Komande helg vert det seminar og markering for å minnast historia og for å sjå kor vegen går dei neste 50.  Vi gler oss, og vi skal gjere alt for at MAFOSS skal tene medlemsbedriftene optimalt også i framtida!
21.11.19 18:37

gå til arkiv

gå til arkiv