I behandlinga av budsjett for Møre og Romsdal Fylkeskommune er TAF-linja på søre luten trua med nedlegging. MAFOSS og Maritimt Forum Nordvest reagerer med felles front mot dette. Les meir i saka under og sjå link frå NRK nyhende her.

Kva meiner DU om maritim politikk?
Bli med på møte med Nærings -og fiskeridepartementet 7. oktober i Ålesund.
Møtet varer frå kl 10 til 12 og inkluderer lunsj. 

Her kan du melde inn innspel til stortingsmelding om Maritim politikk. Dette er din sjanse til å melde inn saker som er viktige for di bedrift og vår bransje, og til å farge politikken innan dette feltet i mange år framover. 

Meld deg på til ÅKP v/ Frank Støyva Emblem innan fredag 1. november.

Maritim Foreining i Ulstein distrikt vart skipa i 1969, den gong under namnet Verkstedforeininga, som ei interesseforeining for skipsindustrien på ytre søre Sunnmøre. Folket i denne regionen har til alle tider hatt havet som grunnlag for levebrødet sitt. Det har vore driftige folk på leiting etter stadig nye mulegheiter, med ei innebygd pionerånd som har ført til ny utvikling og aktivitet på mange område.

Her har vore senter for ishavsfangst, og vi har vore med på ei eventyrleg utvikling innan fiskeri.

Nye fartøytypar, effektive fiskereiskapar og initiativrike fiskarar med evne til å utvikle og ta i bruk ny teknologi, har gjort fiskerinæringa i regionen til eit tyngepunkt.

Vi lærte å finne og dra nytte av fiskeressursane i havet, men vi var også med då ein ny ressurs vart tilgjengeleg tidleg på 70-talet; oljeutvinninga i Nordsjøen. Reiarnæringa som hadde bygd opp ein moderne havfiskeflåte, stod no klare til å satse også på servicefartøy til oljeindustrien.

Både fiskefartøy og offshorefartøy set store krav til sjøeigenskapar og teknologisk utstyr. Fartøya må vere driftssikre og ha dei rette løysingane for mange ulike funksjonar.

Her vert skipsindustrien stilt overfor stadig nye krav.

Medlemsbedriftene i Verkstedforeninga utviklar skipsdesign, leverer stål, bygger seksjonar til skip, utviklar og produserer skipsutstyr og spesialutstyr til skip og offshore, bygger skip, og leverer skipstekniske tenester og klasse/sertifiseringstenester.

Dette utgjer høgteknologiske produkt, utvikla og framstilt i ein stadig meir spesialisert og automatisert produksjon.

Mange av bedriftene eksporterer produkta sine til ein internasjonal marknad, og fleire av dei er sjølve representert med etableringar over heile verda.

Utfordringa for bedriftene er å heile tida vere i front med høgteknologiske produkt. Dette krev høg og spesialisert kompetanse innanfor ei rekkje fagområde.

Bedriftene har mange interessante og utfordrande arbeidsoppgåver for dei som vil vere med å utvikle skipsindustrien inn i det neste årtusen.

Tradisjonane har lagt fundamentet, visjonane og kompetansen skal føre oss vidare.